Մենք պարտվողի կարգավիճակով դուրս չենք եկել քառօրյա մարտական գործողություններից. Բալայան
Մենք պարտվողի կարգավիճակով դուրս չենք եկել քառօրյա մարտական գործողություններից: Այս մասին Եռաբլուրում լրագրողներին հայտնել է Պաշտպանության փոխնախարար Գաբրիել Բալայանը:
Նա նշել է, թե չի կիսում այն կարծիքը, որ հայկական զինանոցը մերկ է։ Բալայանի խոսքով՝ վերջին մի քանի տարվա ընթացքում լրացվել է ՀՀ զինանոցը, մարտական պատրաստության աստիճանը բերվել է շատ ավելի զգոն վիճակի։
Փոխնախարարն ընդգծել է, թե քաղաքական գնահատական է համարում Նիկոլ Փաշինյանի այն դիտարկումը, թե ապրիլյան պատերազմը Ադրբեջանի՝ ԵԱՏՄ մտնելու մասին է։
Նրա խոսքով՝ այլևս սահմանների պահպանություն չի լինելու, լինելու է սահմանների պաշտպանություն, որը ենթադրում է որոշակի մարտական գործողությունների տեղափոխում հակառակորդի տարածք։
