Նաիրա Զոհրաբյանը Օպերայի հրապարակում կորցրել էր կոշիկը․ վնասվածք ունի
Իմ հանդեպ ուղղորդված բռնություն չի եղել։ Այս մասին Aysor am-ի հետ զրույցում ասաց ՀՀ ԱԺ մարդու իրավունքների պաշտպանության հարցերի մշտական հանձնաժողովի նախագահ Նաիրա Զոհրաբյանը:
«Ես բախումների ժամանակ երկու կողմերի միջև կանգնեցի, որպեսզի բախում չլինի, հոսանքի տակ հրեցին, ես վայր ընկա, իմ հանդեպ որևէ ուղղորդված բան չի եղել: Ավելին, ոստիկաններն ասացին, որ դուրս գամ, որովհետև այլևս չեն կարողնում իմ անվտանգտությունն ապահովել: Այս պահին դուրս եմ եկել, որովհետև ոտքս մի քիչ վնասված է», - լրատվականի հետ զրույցում նշել է Զոհրաբյանը:
Պատգամավորը նշել է, որ լարված իրավիճակում կորցրել էր կոշիկը, բայց այն գտնվել է:
Նա ընդգծեց, որ այս պահին իրավիճակը բավականին լարված է ու ինքը որպես մարդու իրավունքների հանձնաժողովի նախագահ՝ շարունակում է այնտեղ մնալ երկու խնդրով՝ բռնությունը բացառելու և խնդիրները երկխոսության միջոցով կարգավորելու համար:
