Նախկին ոստիկանապետ Վլադիմի Գասպարյանի խորհրդական, հասարակական գործիչ Նարեկ Մալյանը ֆեյսբուքյան ուղիղ եթերով անդրադարձավ իր հետ կատարված միջադեպին՝ նշելով, որ իրեն փորձել են վրաերթի ենթարկել։ Մալյանը, անդրադառնալով իր հետ կատարվածին, պատմեց, որ Toyota Camry մակնիշի ավտոմեքենայի վարորդն իրեն փորձել է վրաերթի ենթարկել այն ժամանակ, երբ ինքը կատարում էր քննիչ Էդուարդ Հովհաննիսյանի պահանջը։ «Ինձ պետք չէ աջակցել, պետք է ինքներդ ձեզ աջակցեք, ամեն մեկդ ձեր տեղում ձեր անհամաձայնությունը հայտնեք, եթե ունեք, քանի որ, անկեղծ ասած, չեմ պատրաստվում այդ խնդիրներն ամբողջությամբ ինձ վրա վերցնել, դա իմ նպատակը չէ։ Ես ունեմ նպատակ՝ ապրիլի կեսերին հրապարակել իմ 3-րդ գիրքը, իսկ այս իրադարձություններն ինչ-որ չափով ինձ խանգարում են»,- ասաց նա։