«Գազպրոմ Արմենիա»-ն նախատեսում է 1200-1500 աշխատակիցների կրճատում․ «Ժամանակ»

«Ժամանակ» թերթը գրում է. «Հաստիքների կրճատում է տեղի ունենում ոչ միայն պետա­կան կառավարման համակարգում, այլ նաև մասնավոր հատվածում: Մասնավորապես՝ «Գազպրոմ Արմենիա» ընկերության ղեկավարությունը մտադիր է առաջիկայում կրճատել ընկերության 1200-1500 աշխատակիցների: Նման իրավիճակ է նաև այլ բազմաթիվ ընկերություններում, որովհետև երբ ընկերության սեփականատերերին պարտադրում են գրանցել աշխատակիցներին և նրանց համար հարկ վճարել, նրանք գերադասում են ազատվել նրանցից»: Նշենք, որ AuororaNews-ը փորձեց կապ հաստատել «Գազպրոմ Արմենիա» ընկերության հետ, պարզելու համար ինֆորմացիայի իսկությունը, սակայն ոչ կերպ չկարողացանք կապ հաստատել։