«Շշի Մելոյի» ռեստորանում կրակոցների հետևանքով վիրավորներից 2-ին վիրահատել են
«Պարտեզ» ռեստորանային համալիրի մոտ հունվարի 29-ին տեղի ունեցած զինված միջադեպի արդյունքում Սբ. Գրիգոր Լուսավորիչ ԲԿ տեղափոխված 3 վիրավորներից երկուսը վիրահատվել են: Այս մասին ԼՈւՐԵՐ․ com-ի հետ զրույցում ասաց ԲԿ-ի փոխտնօրեն Արտակ Մանուկյանը։
Հիշեցնենք, որ հունվարի 29-ին՝ ժամը 01.30-ի սահմաններում, ահազանգ է ստացվել, որ կրակոցներ են հնչել Կոտայքի մարզում, կան վիրավորներ: Պարզվել է, որ նշված երիտասարդները հրազենային վնասվածքները ստացել են նույն միջադեպի ժամանակ՝ «Պարտեզ» ռեստորանային համալիրի մոտ։
Կրակոցներ արձակած անձը, պարզվել է, նախկին պատգամավոր Մելիք Մանուկյանի՝ Շշի Մելոյի որդին է։ Իսկ վիրավորներից Ռոմեն Հարությունյանը Մելիք Մանուկյանի քրոջ որդին է, իսկ Հայկ Մանուկյանը՝ եղբորորդին։
