Ինչպես են համացանցում հայտնվել Իոսիֆ Աղաջանովի սպանության դաժան կադրերը
Ոստիկանության լրատվության և հասարակայնության հետ կապերի վարչության պետ Աշոտ Ահարոնյանն այսօր տեղի ունեցած մամուլի ասուլիսի ժամանակ անդրադարձել է նաև 1996 թ․-ին սպանված Իոսիֆ Աղաջանովի մահվան հետ կապված տեսանյութի տարածմանը։
Հիշեցնենք, որ տեսանյութը ֆեյսբուքյան իր էջում տարածել էր Նարեկ Մալյան օգտատերը։
«Ես չգիտեմ՝ ինքը ոնց է վերցրել, մենք նայել ենք մեր քարտուղարությունում. գրությունն ուղարկել է փաստաբանը, մենք տրամադրել ենք փաստաբանին, ճշտեք՝ գուցե Նարեկ Մալյանը վերցրել է փաստաբանից կամ փաստաբա՞նն է տվել. մենք տրամադրել ենք փաստաբանին: Եթե չեմ սխալվում՝ Նարեկ Մալյանը գրությամբ հայտնել էր՝ ումից է վերցրել»,-ասաց Ահարոնյանը:
Ահարոնյանը նշեց, որ իրենք ամսվա մեջ բազմաթիվ փաստաբանների տրամադրում են տեսանյութեր, եթե իրենց մոտ դրանք առկա են:
