Արտառոց դեպք. Թուրքերն իրենց դրոշներն են կախել Քալիֆորնիայի երկու հայկական դպրոցների վրա

Հունվարի 29-ի վաղ առավոտյան թուրքերը Լոս Անջելեսի երկու հայկական դպրոցների դարպասների ու աստիճանների վրա իրենց երկրի դրոշն են ամրացրել: Այս առնչությամբ Գլենդելի հայկական դպրոցները հանդես են եկել հայտարարությամբ՝ իրենց վրդովմունքը հայտնելով վանդալիզմի եւ ատելության քարոզի կապակցությամբ: Հայտարարության մեջ նշվում է, որ տեղի ունեցածի մասին տեղյակ են պահել պատկան մարմիններին եւ հույս հայտնել, որ մեղավորները կհայտնաբերվեն ու կպատժվեն: Հայտարարության հեղինակները ընդգծում են, որ աշակերտների եւ ուսանողների անվտանգությունն իրենց ուշադրության կենտրոնում է: Նշենք, որ խոսքը Ֆերահյան բարձրագույն դպրոցի ու ՀԲԸՄ Մանուկյան-Դեմիրճյան դպրոցի մասին է: Լուսանկարները՝ Վահան Վարդանյանի ֆեյսբուքյան էջի։