ՏԵՍԱՆՅՈՒԹ.«Իմ բկից բռնեց, ասեց` կխեղդի»․ ցուցարարը դժգոհում է քաղաքապետարանի աշխատակցից
Առավոտյան կառավարության դիմաց սկսված բողոքի ակցիան կեսօրից հետո շարունակվեց Երևանի քաղաքապետարանի դիմաց: Ցուցարարները NEWS.am-ին պատմեցին, որ բողոքի ակցիայի կին մասնակիցներից մեկի նկատմամբ քաղաքապետարանի աշխատակիցներից մեկը բռնություն է գործադրել:
Ցուցարար կանանցից մեկը, որը լրատվամիջոցի հետ զրույցում ներկայացել է որպես Լիզա Ճաղարյան, նշել է,որ իրենց արգելում են փողոցում վաճառք իրականացնել, սակայն ընտրողաբար՝ ոմանք նույնիսկ կարողանում են իրենց փողոցային առևտուրն ընդլայնել: «Երբ ես տվեցի էդ հասցեների անունները, ինքը հասավ, իմ բկից բռնեց, ասեց` կխեղդի»,- պատմեց նա:
