«Էսօր իմ զինվորի տոնն ա». Մարիամ Փաշինյանը շնորհավորել է եղբորը
ՀՀ վարչապետ Նիկոլ Փաշինյանի դուստրը՝ Մարիամ Փաշինյանը, ֆեյսբուքյան իր էջում եղբոր հետ լուսանկար է հրապարակել եւ շնորհավորել բանակի օրվա կապակցությամբ։
Գրառման մեջ ասվում է.
«Էսօր իմ զինվորի տոնն ա: Ու իմ բոլոր հայ զինվորների տոնն ա: Շնորհակալ ենք ձեզ, որ պաշտպանում եք մեր երկիրը, մշակույթը, գրերը, եկեղեցիները, կառույցները, պատմությունը, բնությունը, մեզ: Հույս ունեմ, ու համոզված եմ, որ կգա մի օր, երբ ծառայությունը կդառնա համեմատաբար ավելի հեշտ ու ծառայության ընթացքում մեր զինվորները կառնչվեն նվազագույն մարտահրավերների ու դժվարությունների: Սիրում եմ բոլորիդ, պարզապես իմացեք որ ամեն րոպե պատրաստ ենք ամեն ինչ թողնել ու միանալ ձեզ»:
Նշենք, որ Փաշինյանի որդին՝ Աշոտ Փաշինյանը ծառայում է Արցախի Հանրապետությունում։
