Գյումրիի Ավստրիական հիվանդանոցում սուր շնչառական վարակների պատճառով, մանկական բաժանմունքում ազատ հիվանդասենյակներ չկան։ Թոքաբորբի բազում դեպքեր կան գրանցված։ Armdaily.am-ի հետ կապ հաստատեց Ավագյան Անահիտը, ում թոռնիկը հիվանդանոցում է։ Նա նշեց, որ թոռնիկը և հարսը 4 օր է պառկած են հիվանդանոցում.«Չորս օր առաջ տրված անալիզների պատասխանները մինչև այսօր չկան»։ Տիկին Անահիտը նշեց, որ բացի իրենցից այլ 4 երեխաների կային հիվանդասենյակում.«Հետո երկուսին դուրս գրեցին»։ Բուժքույրերը որևէ բացատրություն չեն տվել և ասել են, որ պետք է պալատը փոխեն՝ նշելով, որ այդտեղ այլ երեխա պետք է պառկի.«Ոչ մի հարցի չպատասխանեցին,ասեցին ուղղակի այլ երեխա են բերում»։ Տիկին Անահիտն ասել է, որ կբողոքի և կզանգահարի Երևան.«Այդ ժամանակ ասեցին,որ շատ եք ուզում կարող եք գնալ ձեր հիվանդասենյակ»։ Տիկին Անահիտը նշեց,որ հիվանդանոցը գումար է վերցնում հիվանդներից. «Կարան կամեռաները հետ տան և տեսնեն, թե ոնց են դիմացի դեղատնից ծնողները դեղեր առնում, չնայած մեզ ստորագրել են տվել, թե բուժումն անվճար ենք ստանում»։ Շարունակությունըՙ սկզբնաղբյուր կայքում: