Հայաստանի բնակիչը սոցիալական ցանցերի միջոցով ծանոթացել է կնոջ հետ, որի արդյունքում հափշտակել է խոշոր գումար։ Այդ մասին հաղորդում է Ուֆայի Կալինինյան շրջանի դատախազությունը, հաղորդում է «ՄԿ–Ուֆա»-ն։ Հայաստանի 49–ամյա բնակիչը ռուս կնոջ հետ ծանոթացել է համացանցի միջոցով։ Նա սոցիալական ցանցերում ներկայացել է որպես հարուստ գործարար, հրապարակել թանկարժեք ավտոմեքենաների ու Ուֆայի լավագույն ռեստորանների լուսանկարներ։ Կնոջ հետ հանդիպումների ընթացքում նա ձևացրել է, թե խոսում է Պետդումայի պատգամավորի և կարևոր անձանց հետ։ Մի քանի հանդիպումից հետո տղամարդն ասել է, թե իր ընկերությունում խուզարկում են կատարում, իսկ հաշիվների վրա կալանք են դրել։ Նա խնդրել է իրեն պարտքով մի քանի ռուբլի տալ` իբր ոստիկաններին և բարձրաստիճան պաշտոնյաներին կաշառքներ տալու համար։ Կինը հավատացել է կեղծ գործարարին, ձևակերպել վարկեր, ինչպես նաև ազգականներից պարտքով վերցրել 1,7 միլիոն ռուբլի։ Մի քանի օր անց տղամարդը հայտնել է խաբված կնոջը, որ բազմաթիվ խնդիրների պատճառով պատրաստվում է ինքնասպանություն գործել, որից հետո դադարել է կապի դուրս գալ։ Քննիչները հեշտությամբ գտել են նրան։ Հիմա նա մեղադրվում է «Հատկապես խոշոր չափերով խարդախության» մեջ։ Դատախազությունն արդեն հաստատել է մեղադրական եզրակացությունը։