7 ամիս շարունակ նամակներ ենք գրել նոր կառավարությանը, սակայն ոչ մի պատասխան․ բողոքի ակցիա
7 ամիս շարունակ նամակներ ենք գրել նոր կառավարությանը, սակայն որևէ պատասխան չեն ստացել: Այս մասին այսօր ասացին ՀՀ կառավարության շենքի դիմաց հավաքված «Նաիրիտ» գործարանի նախկին աշխատակիցները, որոնք պահանջում են իրենց աշխատավարձերի չվճարված տույժ-տուգանքների վերադարձ և գործարանի վերագործարկում:
«Մեր մասնագետները եվրոպացի մասնագետների հետ միասին, մոտավորապես 2 ամիս առաջ, աուդիտ են արել և եկել այն եզրակացության, որ «Նաիրիտ»-ը կարող է վերագործարկվել՝ 105-110 մլն դոլարի ներդրման դեպքում: Հիմա կա ներդրող, որը պատրաստ է մինչև 150 մլն դոլար ներդրում անել, ուստի մենք պահանջում ենք հանդիպում վարչապետի հետ, որպեսզի, ի վերջո, կարողանանք հասկանալ կառավարության դիրքորուշումը գործարանի վերաբերյալ»,- նշեցին նրանք։
