Վարորդներ ուշադրություն. երթևեկության կազմակերպման ժամանակավոր փոփոխություն
Լուսացույցների ազդանշանների տեսանելիությունը բարելավելու նպատակով այսօր Երևան քաղաքի Կոմիտասի պողոտա-Գյուլբենկյան փողոց խաչմերուկի Կոմիտասի պողոտայի տրանսպորտային լուսացույցները երթևեկելի մասի աջ կողմից կտեղափոխվեն և կտեղակայվեն երթևեկելի մասի վրա:
*
Երևանի Իսահակյան և Թամանյան փողոցների խաչմերուկում էլ կկատարվի երթևեկության կազմակերպման ժամանակավոր փոփոխություն:
Նշված խաչմերուկում տեղադրված՝ ՙՄուտքն արգելվում է՚, ՙԱջ շրջադարձն արգելվում է՚, ՙՁախ շրջադարձն արգելվում է՚, ՙԿանգառն արգելվում է՚ ճանապարհային նշանները և ՙԳործողության ժամանակ (11.00−24.00)՚ ցուցանակները ձմեռային ժամանակաշրջանում ժամանակավորապես (մինչև 2019թ. գարուն) կփակվեն ծածկոցներով, և կդադարեցվի դրանց ազդեցությունը:
