ՙԻ՞նչ, որտե՞ղ, ե՞րբ՚ հաղորդաշարն այսուհետ եթերում կլինի բացառապես հայերեն
ՙԻ՞նչ, որտե՞ղ, ե՞րբ՚ հաղորդաշարն այսուհետ եթերում կլինի բացառապես հայերեն: Այս մասին ՙՖեյսբուք՚-ի իր էջում հայտնել է կրթության և գիտության նախարարի պաշտոնակատար Արայիկ Հարությունյանը:
Նախարարի պաշտոնակատարը գրառման մեջ նշել է.
ՙԿառավարության որոշմամբ ՙԻ՞նչ, որտե՞ղ, ե՞րբ՚ հաղորդաշարի հաջորդ տարվա կազմակերպմանը տրամադրվել է 17 միլիոն դրամ: Ու հիմնական քննադատությունն այն էր, որ ես ժամանակին ՙԻ՞նչ, որտե՞ղ, ե՞րբ՚-ի կազմակերպիչներին քննադատել եմ այն ռուսերենով անցկացնելու համար: Ուզում եմ տեղեկացնել, որ մինչև որոշման նախագիծը շրջանառության մեջ դնելը հանդիպել եմ Կարեն Քոչարյանի հետ, և նա հայտնել է, որ հաջորդ տարվանից հաղորդումը լինելու է բացառապես հայերեն: Հաղորդաշարը սիրված է, ինտելեկտուալ քիչ հաղորդումներից է եթերում, որը ստացված է, իսկ գիտելիքի տարածման խրախուսումը մեր քաղաքականության հիմնական նպատակներից է՚,- ասել է կրթության և գիտության նախարարի պաշտոնակատար Արայիկ Հարությունյանը:
