Դավիթ Շահնազարյանը հրատապ ասուլիս է հրավիրել

ՀՀԿ փոխնախագահ Արմեն Աշոտյանը Facebook-ի իր էջում տեղեկացրել է, որ այսօր 14.00-ին ՀՀԿ կենտրոնական շտաբի մամլո սրահում տեղի կունենա Դավիթ Շահնազարյանի հրատապ ասուլիսը: Ինչպես արդեն հայտնել ենք, Ազգային անվտանգության ծառայությունը Սասուն Միքայելյանի մասին Դավիթ Շահնազարյանի հայտարարությունը դիտել է որպես հաղորդում ծանր հանցագործության մասին: Շահնազարյանը հրավիրվել է ԱԱԾ: Հիշեցնենք, որ դեռ անցյալ ամիս պատգամավորի ՀՀԿ-ական թեկնածու Դավիթ Շահնազարյանը հայտարարել էր, որ ՙՔաղաքացիական պայմանագիր՚ կուսակցության անդամ Սասուն Միքայելյանի այն հայտարարությունը, թե հեղափոխության հաղթանակն ավելի կարևոր էր, քան Արցախյին պատերազմը, քաղաքական ծրագիր է, որը իրականացնում է Նիկոլ Փաշինյանը, այսինքն՝ իշխանություն՝ Արցախի փոխարեն: ԱԱԾ-ն հաղորդել է, որ Շահնազարյանն այսպիսով ներկայիս իշխանությանը և վարչապետի պաշտոնակատար Նիկոլ Փաշինյանին մեղադրել էր պետական դավաճանության մեջ։ Նշված մեղադրանքը Դավիթ Շահնազարյանը պնդել և հաստատել է նաև նախօրեին: ԱԱԾ-ի հայտարարությանն արձագանքել է Շահնազարյանը: Նա ասել է, որ իրեն ԱԱԾ-ն դեռ երեկ է հրավիրել, և ինքն այսօր պատրաստվում էր այցելել իրենց, բայց այսօրվա հայտարարությունից հետո Շահնազարյանը մտափոխվել է և որոշել չգնալ: