Անձրև, ամպրոպ և կարկուտ․ ինչ եղանակ է սպասվում առաջիկա օրերին

Օգոստոսի 14-ի գիշերն ու երեկոյան, ինչպես նաև 17-18-ի երեկոյան Երևանի առանձին հատվածներում կանխատեսվում է կարճատև անձրև և ամպրոպ՝ քամու ուժգնացմամբ՝ 18-23 մ/վրկ:

Մայրաքաղաքում օգոստոսի 15-16-ին սպասվում է առանց տեղումների եղանակ։ Միևնույն ժամանակ, օգոստոսի 14-18-ին երեկոյան ժամերին Երևանում նախատեսվում է քամու ուժգնացում՝ 15-18 մ/վ արագությամբ։

Հանրապետության տարածքում օգոստոսի 14-18-ին գիշերը և կեսօրից հետո առանձին շրջաններում սպասվում է կարճատև անձրև և ամպրոպ, առանձին վայրերում՝ հորդառատ տեղումներ, հնարավոր է նաև կարկուտ։ Քամին՝ հյուսիսարևելյան և արևելյան՝ 4-7 մ/վ, իսկ ամպրոպների ընթացքում սպասվում է քամու ուժգնացում՝ 20-25 մ/վրկ։

Օգոստոսի 13-18-ին երեկոյան ժամերին Արմավիրի մարզում, Արագածոտնի և Կոտայքի նախալեռներում, ինչպես նաև Շիրակի մարզի առանձին հատվածներում քամին կուժգնանա 17-20 մ/վ արագությամբ։ Օդի ջերմաստիճանն էապես չի փոխվի։

Երևան քաղաքի օգոստոսի 14-ի բազմամյա կլիմայական տվյալներով՝ օդի առավելագույն ջերմաստիճանը գրանցվել է 2015 թվականին (39.5°C), նվազագույնը՝ 1980 թվականին (7.9°C), իսկ միջին օրական ջերմաստիճանը կազմում է 26.4°C։