Հայաստանը ցանկանում է բարձրացնել գյուղատնտեսության արտադրողականությունը․ Պապոյանը՝ ԵԱՏՄ նիստում

ՀՀ էկոնոմիկայի նախարար Գևորգ Պապոյանը տեղեկացրել է Ալմաթիում ընթացող ԵԱՏՄ ագրոարդյունաբերական քաղաքականության խորհրդի յոթերորդ նիստին իր մասնակցության մասին։

ՀՀ էկոնոմիկայի նախարար Գևորգ Պապոյանը հայտնել է, որ Ալմաթիում մասնակցել է ԵԱՏՄ ագրոարդյունաբերական քաղաքականության խորհրդի յոթերորդ նիստին։

«Ներկայացրեցի Հայաստանի ագրոարդյունաբերական համալիրի վիճակը և զարգացման առաջնահերթությունները՝ ընդգծելով գյուղատնտեսության ինտենսիվացումը, արտադրողականության բարձրացումը, ժամանակակից տեխնոլոգիաների ներդրումը և թվային գյուղատնտեսության զարգացումը։ Անդրադարձ է կատարվել նաև վերամշակող հզորությունների ընդլայնմանը, «խելացի» ֆերմաների, կաթիլային ոռոգման և հողերի արբանյակային մշտադիտարկման համակարգերի զարգացմանը։ Քննարկվել են նաև ոլորտային մի շարք այլ հարցեր»։