«Այս իշխանության օրոք մարտահրավերները միայն ավելանում են»․ Սաղաթելյան

«Հայաստան» խմբակցության պատգամավոր Իշխան Սաղաթելյանը հայտարարել է, որ իշխանության հասցեին իրենց նախկին գնահատականները շարունակում են ուժի մեջ մնալ։

Նրա խոսքով՝ գործող իշխանությունը սպառնալիք է հայկական պետականության համար, իսկ իշխանափոխության հարցը շարունակում է մնալ ընդդիմության օրակարգում։

«Այս իշխանության գոյության պայմաններում մեր երկրի առջև ծառացած մարտահրավերները ոչ միայն չեն վերացել, այլև օրեցօր ավելանում են»,- ասել է Սաղաթելյանը։

Նա նշել է, որ իշխանափոխության հասնելու համար անհրաժեշտ է քննարկումներ անցկացնել բոլոր ընդդիմադիր ուժերի հետ և ապահովել համախմբում։

«Քննարկումներն այս փուլում կան, մենք մեր ճանապարհային քարտեզն ունենք, սակայն դա հրապարակելու համար համաձայնություն պետք է լինի։ Ծանր խնդիրներ կան մեր առջև կանգնած։ Այս իշխանությունները հիմիկվանից ժողովրդին պատրաստում են զիջումներ իրականացնելուն»,- հայտարարել է Սաղաթելյանը։