«Ուժեղ Հայաստանը» վերցրեց ԵՄ ինտեգրման հանձնաժողովը․ ԱԺ-ում բաշխվեցին 12 մշտական հանձնաժողովները

9-րդ գումարման Ազգային ժողովում ձևավորվող 12 մշտական հանձնաժողովների նախագահների պաշտոնները կբաշխվեն խմբակցությունների միջև։

Ըստ ներկայացված բաշխման՝ հանձնաժողովներից 8-ի նախագահներին կառաջադրի «Քաղաքացիական պայմանագիր» խմբակցությունը, 3-ինը՝ «Ուժեղ Հայաստանը», իսկ 1-ինը՝ «Հայաստան» խմբակցությունը։

Մշտական հանձնաժողովների նախագահների տեղակալների պաշտոնների դեպքում բաշխումը հետևյալն է՝ 7-ը՝ ՔՊ-ին, 4-ը՝ «Ուժեղ Հայաստանին», 1-ը՝ «Հայաստան» խմբակցությանը։

ՔՊ-ն իր ղեկավար կազմի ներկայացուցիչներին առաջադրել է մի շարք հանձնաժողովների ղեկավար պաշտոններում։

Արուսյակ Մանավազյանը ներկայացրեց  «Քաղաքացիական պայմանագիր»  խմբակցության ղեկավարվող հանձնաժողովները՝

Պաշտպանության, ազգային անվտանգության և ներքին գործերի մշտական հանձնաժողով 

պետական-իրավական հարցերի մշտական հանձնաժողով,

արտաքին հարաբերությունների մշտական հանձնաժողով

 տնտեսական հարցերի մշտական հանձնաժողով

գիտության, կրթության, մշակույթի, երիտասարդության և սպորտի հարցերի մշտական հանձնաժողով

առողջապահության, մայրության և մանկության հարցերի մշտական հանձնաժողով

ՔՊ-ին կվերապահվեն նաև Աշխատանքի և սոցիալական հարցերի, ինչպես նաև Եվրասիական ինտեգրման հարցերի մշտական հանձնաժողովների ղեկավարումները։ 

Նարեկ Կարապետյանը հայտնեց «Ուժեղ Հայաստան» խմբակցության ղեկավարվող հանձնաժողովները՝

ֆինանսավարկային և բյուջետային հարցերի մշտական հանձնաժողով

տարածքային կառավարման և տեղական ինքնակառավարման հարցերի մշտական հանձնաժողով

գյուղատնտեսության և շրջակա միջավայրի հարցերի մշտական հանձնաժողովը

գյուղատնտեսական և բնապահպանական հարցերի մշտական հանձնաժողով

«Ուժեղ Հայաստան» խմբակցությանը կվերապահվի Եվրոպական ինտեգրման հարցերի մշտական հանձնաժողովի ղեկավարումը։

«Հայաստան» խմբակցությանը կվերապահվի մարդու իրավունքների պաշտպանության և հանրային հարցերի մշտական հանձնաժողովը:

Ընդհանուր բաշխմամբ՝ 12 հանձնաժողովներից 8-ը կղեկավարի ՔՊ-ն, 3-ը՝ «Ուժեղ Հայաստանը», իսկ 1-ը՝ «Հայաստան» խմբակցությունը։