Իրանը՝ ԱՄՆ-ի և Իսրայելի մասին. Նրանք միջազգային կարգի գլխավոր քայքայողներն են

Միացյալ Նահանգները և Իսրայելը ՄԱԿ-ի կանոնադրության վրա հիմնված նորմատիվ համակարգի քայքայման հիմնական գործոններն են, հայտարարել է Իրանի արտաքին գործերի նախարարության խոսնակ Էսմայիլ Բաղային։

Դիվանագետը սոցիալական ցանցերում հրապարակել է ՄԱԿ-ի գլխավոր քարտուղար Անտոնիո Գուտերեշի հուլիսի 23-ին Անվտանգության խորհրդի նիստում ունեցած ելույթի հատվածներ։ Նրա խոսքով՝ համաշխարհային կազմակերպության ղեկավարը մատնանշել է խախտումների, անպատժելիության և միջազգային ասպարեզում հակամարտությունների սրման վտանգավոր միտումները։

ՄԱԿ-ի գլխավոր քարտուղարի մեջբերված հայտարարությունների համաձայն՝ միջազգային իրավունքի նկատմամբ անտեսում կա, անպատժելիությունն աճում է, և խախտումներին արձագանքի բացակայությունը պարարտ հող է ստեղծում նոր անօրինական գործողությունների համար։ Գուտերեշը նաև նշել է, որ կողմերի կողմից ռազմական լուծումների օգտին բանակցելուց հրաժարվելը հանգեցնում է քաղաքացիական բնակչության համար ծանր հետևանքների, ինչը առավել սրված է Մերձավոր Արևելքում, որտեղ տարածաշրջանը ներքաշվում է սրման արատավոր շրջանի մեջ։