Ռուսաստանի կոշտ նախազգուշացումը Հայաստանին․ կպահանջենք փոխհատուցում. Ռեշետնիկով

Ռուսաստանի տնտեսական զարգացման նախարար Մաքսիմ Ռեշետնիկովը հայտարարել է, որ «Հարավկովկասյան երկաթուղին» ռուսական ընկերության «անվճար» ակտիվ չէ, իսկ համաձայնագրի վերանայման դեպքում Հայաստանի կողմից որևէ լրացուցիչ վճարում պահանջելու պահանջները հիմնավորված չեն, հաղորդում է «ՏԱՍՍ»-ը։

Այսպես նա մեկնաբանել է Հայաստանի վարչապետ Նիկոլ Փաշինյանի հայտարարությունը, ըստ որի՝ Երևանը Ռուսաստանի հետ հարաբերություններում այլընտրանքներ է փնտրում ոչ միայն տնտեսական, այլև քաղաքական ոլորտում։

Ռեշետնիկովի խոսքով՝ Ռուսաստանն արդեն ավելի քան 30 միլիարդ ռուբլի է ներդրել «Հարավկովկասյան երկաթուղու» զարգացման համար, ձեռք է բերել նոր շարժակազմ և գործող պայմանագրային պարտավորությունների շրջանակում զարգացնում է ենթակառուցվածքը։

«Եթե այդ պարտավորությունները միակողմանիորեն վերանայվեն, և մեր ներդրողին վնաս հասցվի, ապա մենք հիմքեր կունենանք պահանջելու դրա փոխհատուցումը», - ընդգծել է նախարարը։

Նա նաև հայտարարել է, որ նման իրավիճակում այն հարցադրումը, թե Ռուսաստանը պետք է լրացուցիչ որևէ վճարում կատարի Հայաստանին, անհիմն է։