Ռուսաստանը հասնելու է ամբողջական հաղթանակի. Պեսկով

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ռուսաստանը շարունակում է իր առջև դրված նպատակներին հասնել ռազմական եղանակով, թեև դա երկրի համար նախընտրելի տարբերակը չէ։

«Вести» տեղեկատվական համակարգի հեղինակ Պավել Զարուբինի հետ զրույցում Պեսկովը նշել է. «Մենք շարունակում ենք մեր հատուկ ռազմական գործողությունը, այսինքն՝ շարունակում ենք մեր նպատակներին հասնել ռազմական միջոցներով։ Այո, դա նախընտրելի ճանապարհը չէ»։ ՌԴ նախագահի խոսնակը հավելել է նաև, որ խաղաղ կարգավորման հեռանկարների բացակայության պարագայում Ռուսաստանը հասնելու է ամբողջական հաղթանակի։