Ռումինիայի օդային տարածքում առաջին անգամ ԱԹՍ է խոցվել

Ռումինական F-16 կործանիչը երկրի օդային տարածքում առաջին անգամ անօդաչու թռչող սարք է ոչնչացրել։

Այս միջադեպի մասին հայտարարել է Ռումինիայի նախագահ Նիկուշոր Դանը։ Նրա փոխանցմամբ՝ ռումինական F-16 կործանիչի օդաչուն այսօր առավոտյան խոցել է ԱԹՍ-ն։ Երկրի ղեկավարը նաև ընդգծել է, որ անօդաչուն ոչնչացվել է չբնակեցված տարածքի վերևում։ Ներկայումս քննչական խմբերը պետք է ուսումնասիրեն տեղի ունեցածի հանգամանքները։

Հայտնի չէ, թե որ պետությանն է պատկանում նշված անօդաչու թռչող սարքը։ Սրանից առաջ Ռուսաստանի ռազմական գերատեսչությունը տեղեկացրել էր Ռումինիայի սահմանակից Իզմայիլի ծովային առևտրային նավահանգստին հասցված հարվածների մասին։