ԻՀՊԿ-ն հայտարարել է Բահրեյնում ԱՄՆ 5-րդ նավատորմի բազային հարվածելու մասին

Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ հարվածներ է հասցրել Բահրեյնում տեղակայված ԱՄՆ ռազմածովային ուժերի 5-րդ նավատորմի բազային։

ԻՀՊԿ-ի հաղորդմամբ՝ միաժամանակ խոցվել են մի քանի թիրախներ, այդ թվում՝ բազայի դիսպետչերական աշտարակը, որը, ըստ իրանական կողմի, զգալի վնաս է կրել։

Բացի այդ, Իրանը հայտարարել է, որ հարվածներ է հասցրել նաև Քուվեյթի Ալ-Ուդեյրի ամերիկյան ռազմաբազայում գտնվող զինամթերքի և ռազմական տեխնիկայի պահպանման երեք անգարի։ Իրանական կողմի պնդմամբ՝ անգարները հրդեհվել և հետագայում փլուզվել են։

ԻՀՊԿ-ն նաև նշել է, որ նախկինում ևս բազմիցս հարվածներ է հասցրել Բահրեյնում տեղակայված ԱՄՆ 5-րդ նավատորմի բազային։