Դավիթ Ղազինյանն ազատ է արձակվել, կալանքը վերացվել է

«Ուժեղ Հայաստան» կուսակցությունների դաշինքի պատգամավոր Դավիթ Ղազինյանի խափանման միջոց կալանքը վերացվել է։ Նրա նկատմամբ չի ընտրվել ո՛չ գրավ, ո՛չ էլ բացակայելու արգելք։

Նախկինում հայտնի էր դարձել, որ «Ուժեղ Հայաստան» կուսակցության պատգամավոր Դավիթ Ղազինյանի գործով հանրային մեղադրող Արթուր Դանիելյանը միջնորդություն էր ներկայացրել Ղազինյանի կալանքը փոխարինելու վերաբերյալ՝ առաջարկելով 1 միլիարդ դրամ գրավ, բացակայելու արգելք և էլեկտրոնային սարքերով վարչական հսկողություն։

Հակակոռուպցիոն կոմիտեի փոխանցմամբ՝ ձեռք էին բերվել փաստական տվյալներ այն մասին, որ Դավիթ Ղազինյանը համակիրների հետ նախնական համաձայնությամբ ընտրակաշառք է բաժանել։