ԱԺ նախագահի մամուլի քարտուղարը հեռանում է պաշտոնից՝ Ալեն Սիմոնյանի պաշտոնավարման ավարտից հետո

ԱԺ նախագահի մամուլի քարտուղար Մովսես Հարությունյանը ներկայացրել է ազատման դիմում։ Այս մասին նա տեղեկացրել է ֆեյսբուքյան իր էջում կատարած գրառմամբ։

«ԱԺ նախագահ Ալեն Սիմոնյանի պաշտոնավարման ավարտով պայմանավորված՝ ավարտում եմ աշխատանքս ՀՀ Ազգային ժողովում։ Շնորհակալություն եմ հայտնում ԶԼՄ-ների ներկայացուցիչ բոլոր ընկերներիս, գործընկերներիս՝ լրագրողներին, խմբագիրներին, բոլոր-բոլորին՝ հիանալի համագործակցության համար։ Եվ իհարկե, հատուկ շնորհակալությունս պարոն Սիմոնյանին` վստահության և ստացված համատեղ աշխատանքի համար»,- գրել է նա։