09:00 Լուրերը մեկ տողով. Հայտնաբերվեցին 2 հետախուզվող. էլեկտրազրկում ամբողջ Վրաստանում

Անցած ժամվա լուրերը՝ հակիրճ և բովանդակային.

•Դիլիջանում ձերբակալվել են Երևանի Մուրացանի փողոցում տեղի ունեցած կրակոցների գործով հետախուզվող երկու անձինք:

•Քննչական կոմիտեն խուլիգանության հոդվածով քրեական վարույթ է նախաձեռնել Արարատի մարզում բլոգերի և ձմերուկ վաճառող քաղաքացու մասնակցությամբ միջադեպի առթիվ:

•Սանկտ Պետերբուրգում և Լենինգրադի մարզում անօդաչու թռչող սարքերի հարձակման հետևանքով հրդեհվել են Wildberries և Ozon ընկերությունների պահեստները, ինչպես նաև խափանվել է «Պուլկովո» օդանավակայանի աշխատանքը:

•ԱՄՆ ԶՈւ կենտրոնական հրամանատարությունը հայտարարել է Իրանի ռազմական ու ենթակառուցվածքային թիրախներին գիշերային հարվածների հերթական փուլի մասին:

•ԱՄՆ Սենատը դեմ է քվեարկել Իրանի դեմ ռազմական գործողություններում նախագահ Դոնալդ Թրամփի լիազորությունները սահմանափակող բանաձևին:

•Լատվիայի Սեյմը վերջնական ընթերցմամբ ընդունել է Ռուսաստանում և Բելառուսում արտադրված ապրանքների ներմուծումն արգելող օրենքի փոփոխությունները: Ապրանքների ներմուծումն արգելված է ինչպես ուղղակիորեն այդ երկրներից, այնպես էլ երրորդ երկրների միջոցով:

•Էլեկտրացանցերում տեղի ունեցած խոշոր վթարի պատճառով Վրաստանի գրեթե ողջ տարածքը, ներառյալ Թբիլիսին և Բաթումին, մնացել է առանց էլեկտրամատակարարման:

•Հայաստանի մի շարք մարզերում և Երևանում առաջիկայում սպասվում է բարձր կարգի հրդեհավտանգ իրավիճակ: