Նախկին նախարար Էնն Վիդեկոմբին հայտնաբերել են մահացած՝ ծանր վնասվածքներով

Մեծ Բրիտանիայի իրավապահ մարմինները սպանության փաստով քննություն են սկսել խորհրդարանի նախկին պատգամավոր և նախկին նախարար Էնն Վիդեկոմբի մահվան դեպքով։ Նախկինում Պահպանողական կուսակցության կառավարությունում քրեակատարողական համակարգի հարցերով նախարարի պաշտոնը զբաղեցրած 78-ամյա Վիդեկոմբիին մահացած են գտել Դևոն կոմսության Նյուտոն Էբոթ քաղաքի մոտակայքում գտնվող Հեյտորի իր տանը: 

Ոստիկանության փոխանցմամբ՝ ահազանգը ստացվել է հինգշաբթի՝ հուլիսի 9-ին, ժամը 11:40-ի սահմաններում: Դեպքի վայր ժամանած իրավապահները հայտնաբերել են կնոջ մարմինը՝ ծանր վնասվածքներով։ Ոստիկանությունը սկսել է կասկածյալի որոնողական աշխատանքները, որն, ըստ ենթադրության, սպիտակամորթ տղամարդ է և առնչություն ունի կատարված հանցագործության հետ: Էնն Վիդեկոմբը շուրջ 30 տարի ներկայացրել է Պահպանողական կուսակցությունը Մեծ Բրիտանիայի Համայնքների պալատում: Խորհրդարանից հեռանալուց հետո նա դարձել է Եվրոպական խորհրդարանի պատգամավոր Brexit կուսակցությունից, իսկ ավելի ուշ զբաղեցրել է Reform UK կուսակցության մամուլի քարտուղարի պաշտոնը։