ԱՄՆ-ի հարվածներից հետո Իրանում վիրավորներ կան

ԱՄՆ-ի գիշերային ավիահարվածների հետևանքով Իրանի հարավում մի քանի մարդ է վիրավորվել։ Այդ մասին հաղորդում է Press TV-ն։

«ԱՄՆ-ի ավիահարվածների հետևանքով Իրանի հարավում մի քանի մարդ վիրավորվել է»,- նշվում է հեռուստաալիքի հաղորդագրության մեջ։

Հիշեցնենք, որ ավելի վաղ ԱՄՆ զինված ուժերի Կենտրոնական հրամանատարությունը հայտարարել էր, որ ավարտել է Իրանի դեմ նոր հարձակողական գործողությունը՝ բարձր ճշգրտության զինամթերքով խոցելով ավելի քան 80 թիրախ։ ԱՄՆ-ի փոխանցմամբ՝ հարվածներ են հասցվել Իրանի հակաօդային պաշտպանության համակարգերին, հրամանատարական և կառավարման ցանցերին, ափամերձ ռադարներին, հականավային հրթիռային համալիրներին, ինչպես նաև Իսլամական հեղափոխության պահապանների կորպուսի ավելի քան 60 փոքր նավերին։

ԱՄՆ-ն նշել է, որ գործողությունն իրականացվել է որպես անմիջական պատասխան Հորմուզի նեղուցով անցնող երեք առևտրային նավերի վրա Իրանի վերջին հարձակումներին՝ ընդգծելով, որ իր ուժերը շարունակում են մնալ մարտական պատրաստականության մեջ։