Մանդատը ձեզ համար դարձել է քրեական գործերից պաշտպանվելու քաղաքական «վահան» է. Ալխաս Ղազարյան

«Քաղաքացիական պայմանագիր» կուսակցության պատգամավոր Ալխաս Ղազարյանը ֆեյսբուքյան իր էջում անդրադարձել է ընդդիմության՝ պատգամավորական մանդատները վերցնելու որոշմանը։

Նա գրել է, որ ընդդիմության ներկայացուցիչները տարբեր հիմնավորումներով փորձում են արդարացնել իրենց որոշումը՝ այն անվանելով «զենք» կամ «պայքարի միջոց»։

Ղազարյանի կարծիքով՝ ընդդիմության մի մասի համար մանդատն առաջին հերթին հետագա քրեական գործերից պաշտպանվելու քաղաքական «վահան» է, իսկ մյուսների համար՝ կյանքի վաղեմի երազանքի իրականացում։

«Մանդատը տրվում է ժողովրդին ծառայելու համար, ոչ թե սեփական շահերն ապահովելու, պատասխանատվությունից խուսափելու և հանրությանը մանիպուլացնելու»,- գրել է նա։

Պատգամավորը նաև նշել է, որ, իր գնահատմամբ, ընդդիմությունը, ինչպես և սպասվում էր, վերցրել է մանդատները։