«Արմատ մեդիայի» լրագրողներին կանչել են Քննչական կոմիտե

«Արմատ մեդիայի» լրագրողներին այս պահին կանչել են Քննչական կոմիտե՝ հարցաքննությունների։ Այս մասին հայտնում է NEWS.am-ը՝ հղում անելով «Արմատ մեդիայի» լրագրողներին։

Հիշեցնենք, որ հունիսի 5-ին իրավապահները առգրավել էին «Արմատ մեդիայի» համակարգիչները։ Գործակալության գլխավոր խմբագիր Նելլի Ավետիսյանը հայտնել էր, որ դրանք մոնտաժային համակարգիչներ են, և այդ քայլը սահմանափակում է իրենց աշխատանքը՝ ուղիղ եթերներ և տաղավարային հաղորդումներ պատրաստելու հնարավորությամբ։

Նշենք, որ «Արմատ մեդիա»-ի սեփականատերը «Ուժեղ Հայաստան» դաշինքի անդամ Ալիկ Ալեքսանյանն է, որը ընտրություններից մի քանի օր առաջ կալանավորվել էր՝ հավաքներին մասնակցելու համար նյութապես շահագրգռելու և փողերի լվացման մեղադրանքով։ Խուզարկությունները իրականացվել էին հենց այդ գործի շրջանակներում։