Ֆինլանդիայի սկանդալային որոշումը․ թույլատրվեց միջուկային զենքի ներմուծումը. ՌԴ-ն սպառնում է պատասխան քայլերով

Ֆինլանդիայում ուժի մեջ են մտնում միջուկային զենքի ներմուծման և պահպանման արգելքը վերացնող օրենսդրական փոփոխությունները։ Երկրում այժմ թույլատրվում է միջուկային զենքի ներմուծումը, արտադրությունը, պահպանումը և օգտագործումը: Նախագահ Ալեքսանդր Ստաբը հաստատել է այս փոփոխությունները, գրում է «Ռիա Նոսվոստի»-ն:

Հելսինկին նախկինում բազմիցս հավաստիացրել է, որ Ֆինլանդիան չի դառնա միջուկային տերություն։ Իշխանությունները նաև հայտարարել են, որ չեն մտադիր խաղաղ ժամանակ իրենց տարածքում տեղակայել միջուկային զենք և խոստացել են պահպանել իրենց պարտավորությունները Միջուկային զենքի չտարածման մասին պայմանագրի նկատմամբ:

Ֆինլանդիայի Հանրապետությունում Ռուսաստանի դեսպանատունը կայքին հայտնել է, որ այդ պարտավորությունները օրենքով ամրագրված չեն։ Դիվանագիտական ​​առաքելությունը ընդգծել է, որ Մոսկվան իր ռազմական պլանավորման մեջ հաշվի կառնի նույնիսկ հարևան պետության տարածքում զանգվածային ոչնչացման զենքի հայտնվելու տեսական հնարավորությունը։

Ավելի վաղ Արտաքին գործերի նախարարության խոսնակ Մարիա Զախարովան հայտարարել էր, որ Ֆինլանդիայի իշխանությունների որոշումը իրական սպառնալիք է ներկայացնում Ռուսաստանի ազգային անվտանգության համար։