13:00 Լուրերը մեկ տողով. Հեռախոսների նոր կանոններ, ՍԴ զարգացումներ և Իսրայելի շուրջ աղմուկ

· Արդարադատության նախարար Սրբուհի Գալյանը հայտարարել է, որ IMEI կոդերի միասնական շտեմարանի նպատակը քաղաքացիներին վերահսկելը չէ, այլ ապօրինի ճանապարհով ներմուծվող հեռախոսների շրջանառությունը կանխելը։ 

·  ՍԴ դատավոր Արտակ Զեյնալյանը նշել է, որ կուսակցություններն ու իրավական մարմիններն ինքնուրույն են որոշում իրենց օրակարգը, իսկ ընդդիմությունն էլ կարող է իր ձևաչափով խորհրդարան կազմավորել։ 

·  ՆԳ փոխնախարար Արմեն Ղազարյանը հայտնել է, որ ՍԴ դռնփակ նիստի մանրամասներ չի կարող բացահայտել՝ նշելով, որ դիմումը վերաբերում է ընտրական տեղամասերում անձնագրերի ընթերցման տեխնիկական խնդիրներին։ 

·  Էկոնոմիկայի նախարարությունը հիշեցրել է, որ ազատ առևտրի համաձայնագրերը հայկական ծագման արտադրանքի արտահանման դեպքում հնարավորություն են տալիս օգտվել արտոնյալ մաքսային ռեժիմից։ 

·  Առողջապահության նախարար Անահիտ Ավանեսյանը հայտարարել է, որ առողջապահական ապահովագրության համակարգի չեղարկման մասին տարածված տեղեկությունները չեն համապատասխանում իրականությանը, և համակարգը կայունացման փուլում է։ 

· Ադրբեջանի ԱԳՆ-ն քննադատել է Իսրայելի կողմից Հայոց ցեղասպանության ճանաչումը՝ այն անվանելով պատմական փաստերի խեղաթյուրում և կոչ անելով վերանայել որոշումը։ 

· Սիրիայի նախագահ Ահմեդ աշ-Շարաան Իսրայելին կոչ է արել դուրս բերել զորքերը երկրի հարավի բուֆերային գոտուց՝ դատապարտելով վերջին ռազմական գործողությունները։