«Թրամփի ճանապարհ» նախագիծը միայն կշահի Ռուսաստանի մասնակցությունից․ Գալուզին

««Թրամփի ճանապարհ» նախագիծը (TRIPP) միայն կշահի Ռուսաստանի մասնակցությունից։»,- նշել է Ռուսաստանի արտաքին գործերի փոխնախարար Միխայիլ Գալուզինը RTVI-ին տված հարցազրույցում։ 

Հարցազրույցի ընթացքում Գալուզինը նշել է, որ դեռ 2022-2023 թվականներին Հարավային Կովկասում տրանսպորտային և տնտեսական կապերի վերականգնման հետ կապված բոլոր հարցերը եռակողմ ռուս-հայ-ադրբեջանական համաձայնագրերի մաս էին կազմում, և դրանք քննարկվել են Ռուսաստան-Ադրբեջան-Հայաստան եռակողմ աշխատանքային խմբի շրջանակներում։ 

Ըստ Գալուզինի՝ այն  շարունակելը չափազանց դժվար է։

«Հայաստանը, ինչպես ես հասկանում եմ, ամերիկյան կողմին խոստացել է ապագա երկաթուղու կանոնադրական կապիտալի 49%-ը», - ասել է Գալուզինը։ 

«Թրամփի երթուղին» կանցնի ռուս սահմանապահների կողմից պահպանվող տարածքով, որոնք տասնամյակներ շարունակ պահպանել են Հայաստանի սահմանները Թուրքիայի և Իրանի հետ՝ իրենց հայ գործընկերների հետ միասին։

«Այսպես թե այնպես, Ռուսաստանի կարծիքը, ինչպես նաև ԵԱՏՄ-ի կարծիքը պետք է հաշվի առնվի։ Հետևաբար, մենք կարծում ենք, որ նախագիծը միայն օգուտ կբերի Ռուսաստանի մասնակցությունից», - հայտարարել է Միխայիլ Գալուզինը։