ԱԺ փոխնախագահի պաշտոնի համար «ՔՊ»-ում թեժ պայքար է սկսվել․ Factor,am

Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն, Արման Եղոյանը հաստատել է տեղեկությունը, գրում է  Factor.am-ը։

Ավելի վաղ հայտնի էր դարձել, որ Վահագն Ալեքսանյանը և Ալխաս Ղազարյանը ևս հավակնում են ԱԺ փոխնախագահի պաշտոնին։

«Ազգային ժողովի փոխնախագահի պաշտոնի համար «Քաղաքացիական պայմանագիր» կուսակցությունում թեժ պայքար է սկսվել։ Այդ պաշտոնին այս պահին հավակնում է չորս ՔՊ-ական։ Նրանցից մեկը պատգամավոր Արման Եղոյանն է։ Նա հաստատել է այդ տեղեկությունը՝ նշելով, որ արդեն առաջադրվել է ներկուսակցական ընտրությանը մասնակցելու համար»,- գրում է  Factor.am-ը։

Հիշեցնենք՝ «Քաղաքացիական պայմանագիր» խմբակցության պատգամավոր Արուսյակ Ջուլհակյանը՝ լրագրողների հետ զրույցում հաստատել էր, որ առաջադրվել է ԱԺ փոխնախագահի պաշտոնում։