ՍԴ ընտրական գործով միջնորդությունը մերժվել է․ Վարդանյանն ու Զեյնալյանը չեն մասնակցի քննությանը

Սահմանադրական դատարանը մերժել է ԲՀԿ ներկայացուցիչ Արամ Օրբելյանի միջնորդությունը, որով բարձրացվում էր ՍԴ «կրճատված» կազմով ընտրական գործի քննությանը մասնակցության սահմանադրականության հարցը։

Միջնորդության շրջանակում քննարկվում էր Վլադիմիր Վարդանյանի և Արտակ Զեյնալյանի՝ գործի քննությանը մասնակցելու հնարավորության հարցը, սակայն ՍԴ-ն որոշել է այն չբավարարել։

Արդյունքում Վլադիմիր Վարդանյանն ու Արտակ Զեյնալյանը չեն մասնակցի ընտրությունների արդյունքների վիճարկման գործի քննությանը։

Միաժամանակ հիշեցնենք, որ հունիսի 19-ին ՍԴ է մուտքագրվել 7 դիմում՝ 2026 թվականի հունիսի 7-ի ԱԺ ընտրությունների արդյունքները վիճարկելու վերաբերյալ։ Դիմումները միավորվել են մեկ վարույթում, իսկ ՔՊ կուսակցությունը ներգրավվել է որպես երրորդ անձ։

Գործով դատաքննությունը նշանակված է հունիսի 26-ին՝ ժամը 11:00-ին, բանավոր ընթացակարգով։ Զեկուցողն է ՍԴ դատավոր Էդգար Շաթիրյանը։