Ռուսաստանը մասշտաբային հարվածներ կհասցնի Ուկրաինային. Լավրով

Ռուսաստանը կանոնավոր մասշտաբային հարվածներ կհասցնի Ուկրաինայի թիրախներին՝ ի պատասխան Կիևի հարձակումների: Այս մասին հայտնել է Ռուսաստանի ԱԳ նախարար Սերգեյ Լավրովը:

«Պատահական չէ, որ Կիևի ևս մեկ ահաբեկչական հարձակումից հետո նախագահը հայտարարեց, որ մենք կանոնավոր մասշտաբային խմբային հարվածներ կհասցնենք այն թիրախներին, որոնց վիճակn անմիջականորեն ազդում է Ուկրաինայի զինված ուժերի մարտական պատրաստվածության վրա», - լրագրողներին ասել է ՌԴ արտգործնախարարը Կազանում Ռուսաստան-ԱՍԵԱՆ գագաթնաժողովի շրջանակներում։

Նա կարծում է, որ Կիևի գործողությունների վերաբերյալ միայն խոսքերն այլևս բավարար չեն։

Հիշեցնենք` վաղ առավոտվանից Մոսկվան գտնվում է ուկրաինական անօդաչու թռչող սարքերի հարձակման տակ։ Նշվում է, որ սա թերեւս ռազմական գործողության ողջ ընթացքում Ռուսաստանի մայրաքաղաքի ամենամասշտաբային հրետակոծությունն է։