Կվառվի նաև ձեր Մոսկվան. Զելենսկիի սպառնալիքը

Եթե վառվի Ուկրաինան, կվառվի նաև ձեր Մոսկվան: Այս մասին հայտնել է Ուկրաինայի նախագահ Վլադիմիր Զելենսկին:

Նրա խոսքով՝ եթե Ռուսաստանը շարունակի պատերազմը, Ուկրաինան հարվածներն առանց պատասխանի չի թողնի։ Նա նաև նշել է, որ Կրեմլի վրա ճնշումը պետք է ուժեղանա։

Մեր հարվածները կրկին հասան Մոսկվայի շրջան. ժամանակն է ավարտել այս պատերազմը: Այս մասին հույս է հայտնել Զելենսկին:

«Այս գիշեր մեր հեռահար միջոցները կրկին հասել են Մոսկվայի շրջան. շաբաթվա մեջ երկրորդ անգամ խոցվել է Մոսկվայի նավթավերամշակման գործարանը։ Խոցվել են նաև թիրախներ Ռոստովի տարածաշրջանում և Ուկրաինայի ժամանակավորապես օկուպացված տարածքներում։ Սա մեր քաղաքներին ու համայնքներին ուղղված ռուսական հարվածներին միանգամայն արդարացի պատասխան է և մեր զինվորների աշխատանքի ևս մեկ կարևոր արդյունք այն օբյեկտներում, որոնք ապահովում են ռուսական ռազմական մեքենան»,- նշել է Ուկրաինայի նախագահը:

Նրա խոսքով՝ սա ցույց է տալիս, որ եկել է պատերազմը ավարտելու ժամանակը, և Ռուսաստանը պետք է անհրաժեշտ քայլեր ձեռնարկի դիվանագիտության մեջ: