12:00 Լուրերը մեկ տողով. ՀԴՄ չտպողներին սպասվում են խիստ պատժամիջոցներ, առաջիկա օրերին շոգելու ենք

Անցած ժամվա լուրերը՝ հակիրճ և բովանդակային.

·  Կառավարությունում քննարկվել են էներգաարդյունավետության ծրագրերը․ շեշտվել է բնակարաններում և շենքերում էներգիայի արդյունավետ օգտագործման անհրաժեշտությունը՝ ծախսերը նվազեցնելու և էլեկտրաէներգիայի պահանջարկը բավարարելու համար։

·  Վարչապետը հայտարարել է, որ ՀԴՄ կտրոն չտրամադրող միկրո և շրջանառության հարկով աշխատող բիզնեսները կարող են խիստ սահմանափակումների ենթարկվել, ինչպես նաև նախատեսվում է ընդլայնել ապրանքների պիտակավորումը։ 

·  Կենտրոնական բանկը առաջարկում է ֆինանսական խնդիրներ ունեցող բանկերի դեպքում նախընտրել առողջացման և վերակազմակերպման մեխանիզմները՝ լուծարումը թողնելով որպես բացառիկ տարբերակ։ 

·  Օդերևութաբանները զգուշացնում են առաջիկա օրերին ջերմաստիճանի բարձրացման մասին, հատկապես Արարատյան դաշտում, Երևանում և Սյունիքի հովիտներում, իսկ հյուսիսային շրջաններում կպահպանվեն կարճատև անձրևները։ 

·  Ուկրաինան իրականացրել է նոր հարվածներ Ռուսաստանի տարածքում գտնվող ենթակառուցվածքների ուղղությամբ՝ դրանք ներկայացնելով որպես պատասխան ռուսական հարձակումներին։ 

·  Մոսկվայի օդանավակայաններում ԱԹՍ-ների հարձակումների ֆոնին սահմանափակումներ են մտցվել, ինչի հետևանքով արձանագրվել են նաև որոշ չվերթների ուշացումներ։ 

·  Եվրահանձնաժողովը քննարկում է Ուկրաինայից ԵՄ մուտքի ժամանակավոր պաշտպանության ռեժիմի վերանայումը՝ հնարավոր նոր սահմանափակումներով փախստականների ընդունման գործընթացում։