Սամվել Կարապետյանի հայցն ընդդեմ Ալեն Սիմոնյանի․ դատարանը վարույթ է ընդունել

«Ուժեղ Հայաստան» կուսակցության առաջնորդ Սամվել Կարապետյանը մայիսի 29-ին դատական հայց է ներկայացրել Երևանի քաղաքացիական դատարան ընդդեմ Ալեն Սիմոնյանի։

Սամվել Կարապետյանը հայցապահանջով խնդրում է Ալեն  Սիմոնյանին պարտավորեցնել հրապարակայնորեն հերքել արտահայտած և զրպարտություն համարվող փաստացի տվյալը, ինչպես նաև նրանից որպես փոխհատուցում բռնագանձել 6 միլիոն դրամ:

 Ինչպես տեղեկանում է Auroranews.am-ը`  Դատալեքս դատական տեղեկատվական համակարգից,  գործը դատարան ստացվելու օրը մակագրվել է դատավոր Վահագն Թորոսյանին։  

Հունիսի 8-ին վերջինիս կողմից որոշում է կայացվել հայցադիմումը վարույթ ընդունելու մասին։

 Հավելենք՝ ներկա պահին  գործով նախնական դատական նիստեր դեռևս նշանակված չեն։