Քաղաքացին պետք է առնվազն 6 ամիս բնակված լինի Հայաստանում. Կոնջորյանը մանրամասնել է՝ ինչ է նախատեսվում

Ազգային ժողովի արտահերթ նիստեր կլինեն տարբեր օրակարգերով։ Դրանցից մեկը կլինի ընտրական ցենզի սահմանումը, այն է՝ ՀՀ քաղաքացին պետք է վերջին մեկ տարվա ընթացքում առնվազն 6 ամիս բնակված լինի Հայաստանում, որպեսզի իրավունք ունենա մասնակցել ընտրություններին, որոշել մեր պետության ճակատագիրը։ Այս մասին հանրային ՀԸ եթերում հայտնել է ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը՝ տեղեկացնելով, որ նախագիծն արդեն շրջանառվում է։

«Քաղաքացին, ում շահերի կենտրոնը գտնվում է ՀՀ-ում, ինքը պետք է ձևավորի պետության ապագան։ Քաղաքացին, ում շահերի կենտրոնը Հայաստանի Հանրապետությունը չէ, ով չի ապրում Հայաստանում տևական ժամանակ և այդ ընտրության հետևանքն ինքն իր մաշկի վրա չի զգալու, ՀՀ-ում ապրողներն իրենց տեսանկյունից ասում են՝ ինչքանով է դա արդար։ ԵՎ դրա օրինակները եղան ընտրության ժամանակ, որ աոսւմ էին եկել ենք ընտրենք գնանք, ինչ կլինի մեզ չի հետաքրքրում։ Եվ այս հարցը մեր առաջ դրել են քաղաքացիները»,- ասել է Կոնջորյանը։