Զելենսկին նոր հրաման է տվել զինված ուժերին․ օտարերկրացիների է հավաքագրում

Ուկրաինայի զինված ուժերում (ՈւԶՈՒ) կգործեն երեք տեսակի պայմանագրեր, որոնք սահմանափակված կլինեն ժամկետով և պետք է նախատեսեն դրանց ավարտի հստակ պայմաններ։ Ենթադրվում է նաև զինծառայողների աշխատավարձերի զգալի աճ և օտարերկրացիների հավաքագրում։ Այս մասին հայտարարել է Ուկրաինայի նախագահ Վլադիմիր Զելենսկին։

Զելենսկու խոսքով՝ թիկունքում գտնվող զինծառայողները կստանան առնվազն 30 հազար գրիվնա (մոտ 580 եվրո), մարտական գործողությունների առաջին գծում գտնվող զինվորականները միջինում կստանան 300 հազար գրիվնա (մոտ 5800 եվրո), ինչպես նաև «կավելացվեն ուկրաինացի մարտական հրամանատարների վճարները»։

 «Ես շնորհակալ եմ խորհրդարանականներին, ովքեր հավանություն տվեցին բյուջեում կատարված փոփոխություններին, որոնք ուղղված են մեր պաշտպանության ամրապնդմանը։ Ես շնորհակալ եմ գործընկերներին, ովքեր օգնում են մեզ», - գրել է Ուկրաինայի նախագահը։

Միևնույն ժամանակ, պայմանագրերում հստակ կսահմանվի դրանց գործողության ժամկետը՝ 10 ամիս, 14 ամիս կամ 24 ամիս։