Ռուսական զորքերը առաջ են շարժվում ողջ ճակատային գծով. Պուտին

Ռուսաստանը պատրաստ է և ցանկանում է խաղաղ ճանապարհով համաձայնության գալ Ուկրաինայի հետ՝ Անքորիջում ձեռք բերված պայմանավորվածությունների հիման վրա: Նման հայտարարություն է արել ՌԴ նախագահ Վլադիմիր Պուտինը:
 
Նա նշել է, որ ՌԴ զինված ուժերը հարձակողական գործողություններ են իրականացնում մարտական շփման գծի ողջ երկայնքով, չկա մի հատված, որտեղ ռուսական զորքերը առաջ չընթանան: Պուտինի խոսքով՝ վերջին շրջանում ռուսական բանակը վերահսկողության տակ է վերցրել շուրջ 2440 քառակուսի կիլոմետր տարածք:

«Ռուսաստանն ամբողջությամբ վերահսկում է ԼԺՀ-ի տարածքը և ԴԺՀ-ի ավելի քան 85 տոկոսը, վերահսկում է Զապորոժիեի մարզի տարածքի 80 տոկոսը:

ՌԴ-ն ունի սեփական արտադրական, գիտական և կադրային բազա բանակի ապահովման համար, որը յուրաքանչյուր ամիս ավելի է ամրապնդվում:

Ի տարբերություն Ուկրաինայի՝ Ռուսաստանն ունի հայրենասիրություն և ժողովրդի կամք, ինչը հատուկ ռազմական գործողության բոլոր նպատակներին հասնելու գլխավոր նախապայմանն է»,– նշել է Պուտինը: