Սուքիասյանը հայտարարել է գազի այլընտրանքային աղբյուրների մասին

«ՔՊ» պատգամավոր Խաչատուր Սուքիասյանը հայտարարել է, որ Հայաստանը գազի մատակարարման այլընտրանքային առաջարկներ ունի, որոնք, ըստ նրա, նույնիսկ ավելի էժան են, քան ռուսական գազը։

Թե որտեղից են ստացվել այդ առաջարկները, գործարարը չի մանրամասնել, սակայն վստահեցրել է, որ խոսքը Ադրբեջանի մասին չէ։ Նրա խոսքով՝ այլընտրանքային աղբյուրների առկայության և գործընթացի մեկնարկի մասին տեղեկացել է «ընկերական զրույցների» ընթացքում։

Հիշեցնենք՝ ավելի վաղ Մոսկվան զգուշացրել էր Հայաստանին, որ եթե երկիրը շարունակի Եվրամիությանն անդամակցելու գործընթացը, կդադարեցվեն գազի, նավթի և վառելիքի մատակարարման վերաբերյալ գործող պայմանավորվածությունները։