19:00 Լուրերը մեկ տողով. Դպրոցներում վարորդական դասընթացներ. ԵՄ-ՀՀ-ՌԴ հարաբերությունների կտրուկ սրացումները

Անցած ժամվա լուրերը՝ հակիրճ և բովանդակային.

•ԿԳՄՍ և Ներքին գործերի նախարարությունները սեպտեմբերից դպրոցների ավագ դասարաններում մեկնարկում են ճանապարհային անվտանգության և վարորդական իրավունքի նախապատրաստական կամընտրական խմբակներ։

•Կառավարությունը Իսակովի և Արշակունյաց պողոտաները միացնող ճանապարհի կառուցման նպատակով 7 միավոր գույքի նկատմամբ հանրության գերակա շահ ճանաչելու որոշում է ընդունել։

•Էդմոն Մարուքյանը հայտարարել է, որ իր հնչեցրած պահանջից հետո Ռազմական ոստիկանության մեքենաները հեռացել են «Զվարթնոց» օդանավակայանի տարածքից։

•Արամ Սարգսյանը նախազգուշացրել է, որ ընտրություններում նույն ուժերին ձայն տալու դեպքում Հայաստանը կանգնելու է գուբերնիայի վերածվելու և հաջորդ պայքարը ազգային-ազատագրականի վերածելու ռիսկի առաջ։

•Գլխավոր դատախազությունը պատրաստվում է վճռաբեկ բողոք ներկայացնել Բագրատ արքեպիսկոպոս Գալստանյանի խափանման միջոցը տնային կալանքով փոխելու դատական ակտի դեմ։

•«Հեզբոլլահ» խմբավորման առաջնորդ Նաիմ Քասեմը մերժել է Վաշինգտոնի հրադադարի պայմանագիրը՝ հայտարարելով, որ իրենք կշարունակեն Իսրայելի հյուսիսի հրետակոծությունը, քանի դեռ հարվածում են Լիբանանին։

•Եվրահանձնակատար Մարտա Կոսը ողջունել է ԵՄ-Հայաստան աշխատանքային խմբի ստեղծումը և վերահաստատել Եվրոպայի պատրաստակամությունը՝ աջակցելու Հայաստանին Ռուսաստանի տնտեսական ճնշումների պարագայում։

•Ռոսսելխոզնադզորի ղեկավար Սերգեյ Դանկվերտը Հայաստանից գյուղմթերքի ներմուծման սահմանափակումները բացատրել է հանրապետության կողմից պատշաճ վերահսկողության բացակայությամբ և անվտանգության խնդիրներով։