Վաշինգտոնը և Բաքուն կնքել են 8 միլիարդ դոլարը գերազանցող համաձայնագրեր

ԱՄՆ պատվիրակության՝ Ադրբեջան կատարած այցի շրջանակում ստորագրվել են ավելի քան 8 միլիարդ դոլարի առևտրային գործարքներ։

Ինչպես հաղորդում է Trend-ը, այս մասին Բաքվում անցկացվող առաջին ադրբեջանա-ամերիկյան տնտեսական երկխոսության շրջանակում լրագրողների համար կազմակերպված ճեպազրույցի ժամանակ հայտարարել է ԱՄՆ պետքարտուղարի տնտեսական, էներգետիկ և գործարար հարցերով օգնական Կալեբ Օրը։

«Մեծ հաճույք էր ականատես լինել ամերիկյան մասնավոր հատվածի և SOCAR-ի միջև բազմաթիվ առևտրային համաձայնագրերի ստորագրմանը, ինչպես նաև այսօր այստեղ՝ Էկոնոմիկայի նախարարությունում, կնքված լրացուցիչ առևտրային համաձայնագրերին։ Կարծում եմ, որ միայն այս այցի շրջանակում ստորագրված առևտրային գործարքների ընդհանուր ծավալը գերազանցում է 8 միլիարդ դոլարը», - ասել է Օրը։