Թրամփը կոշտ խոսքեր է ուղղել Նեթանյահուին․ «Բոլորը քեզ ատում են»

ԱՄՆ նախագահ Դոնալդ Թրամփը հեռախոսազրույցի ընթացքում կոշտ և հայհոյախառն ձևով քննադատել է Իսրայելի վարչապետ Բենիամին Նեթանյահուին՝ հրադադարի տապալման պատճառով, հայտնում է Axios պորտալը՝ հղում անելով իր աղբյուրներին։

«Եթե ես չլինեի, դու հիմա բանտում կլինեիր։ (...) Հիմա բոլորը քեզ ատում են։ Դրա պատճառով բոլորը ատում են նաև Իսրայելը», — ասել է Թրամփը՝ Նեթանյահուին անվանելով «խելագար»։

Զգացմունքային զրույցի ընթացքում Թրամփը նաև հիշեցրել է Նեթանյահուին իր ցուցաբերած աջակցության մասին՝ հայտարարելով, որ ժամանակին օգնել է նրան խուսափել կոռուպցիոն գործով հնարավոր ազատազրկումից։

Սպիտակ տան ղեկավարը նշել է, որ Լիբանանի ուղղությամբ շարունակվող հարվածների պատճառով Իսրայելի վարչապետին «բոլորը ատում են», իսկ Իսրայելը կարող է հայտնվել էլ ավելի մեծ միջազգային մեկուսացման մեջ։