18:00 Լուրերը մեկ տողով. Ադրբեջանցիների «բնակեցման» հեքիաթները, տնակների հարցը Գյումրիում

Անցած ժամվա լուրերը՝ հակիրճ և բովանդակային.

. «Ուժեղ Հայաստան» կուսակցությունը նախատեսում է Գյումրիում հիմնել կտորի արտադրություն և կարի ֆաբրիկաներ՝ տեղական արտադրանքով փոխարինելու թուրքական ներմուծումը, ինչպես նաև կարճ ժամանակում լուծել տնակներում ապրող բնակիչների բնակարանների հարցը։

.  «Հանրապետություն» կուսակցության առաջնորդ Արամ Սարգսյանը հորինված հեքիաթ է անվանել ընդդիմության այն պնդումները, թե իշխանության վերընտրվելու դեպքում Հայաստանում ադրբեջանցիներ են բնակեցվելու՝ շեշտելով, որ հենց ընդդիմադիր առաջնորդների պաշտպանած նոյեմբերի 9-ի հայտարարության 9-րդ կետն էր նախատեսում թուրքերին Հայաստան բերել։

.  ՌԴ նախագահի մամուլի քարտուղար Դմիտրի Պեսկովը հայտարարել է, որ Ուկրաինայում պատերազմը երկարաձգելու համար ամեն ինչ անող արևմտյան երկրները չպետք է խոսեն «կարմիր գծերի» մասին, իսկ Ռումինիայում ԱԹՍ-ի ընկնելու նման միջադեպերի սկզբնաղբյուրը Կիևի ռեժիմի գործողություններն են։

. Իսրայելի պաշտպանության նախարարությունն ու վարչապետ Բենիամին Նեթանյահուն հայտարարել են Լիբանանում ցամաքային գործողությունների ընդլայնման մասին, որի շրջանակում իսրայելական ուժերը հատել են Լիտանի գետը և գրավել ռազմավարական Բոֆորտ բարձունքը՝ նոր անվտանգության գոտի ձևավորելու համար։

. Դոնալդ Թրամփի վարչակազմի կողմից իրականացվող լայնածավալ վերակառուցումների պատճառով Սպիտակ տունը լքել են ավելի քան 10 հազար պրոֆեսիոնալ իրավաբաններ և շուրջ 2000 փորձառու դիվանագետներ, ինչը հանգեցրել է կադրային լուրջ դեֆիցիտի և դեսպանատներում թափուր պաշտոնների աճի։

. Ուկրաինայի կրթության և գիտության նախարարությունը հայտնել է, որ ռուսական հարձակումների հետևանքով հազարավոր ուսումնական հաստատությունների վնասման ֆոնին, երկրում կառուցվում է 113 ստորգետնյա անվտանգ դպրոց, որոնք հնարավորություն կտան շուրջ 100 հազար երեխաների շարունակել կրթությունը։