ԱԱԾ շենքի վրա դյուրավառ շշեր նետած 31-ամյա երիտասարդի գործով նախաքննությունն ավարտվել է. «Ժողովուրդ»

«Ժողովուրդ»-ի տեղեկություններով, ավարտվել է ՀՀ ԱԱԾ վարչական շենքի ուղղությամբ դյուրավառ շշեր նետած, 1994 թվականին ծնված, Երևանի Էրեբունու բնակիչ Րաֆֆի Մանդալյանի գործով նախաքննությունը։ Մարտի 6-ին տեղի ունեցածից հետո նրան մեղադրանք է առաջադրվել ահաբեկչության հոդվածով։

Մանդալյանը հայտնել է, որ քայլը պայմանավորված է խորը զայրույթով ու հիասթափությամբ, մտահոգված է անվտանգության վիճակով և ցանկացել է «կոտրել լռությունը»։ Ըստ նրա՝ ԱԱԾ շենք է գնացել ոչ աշխատանքային ժամին, չի հեռացել տեղից և դատարանում հարցրել է. «Հայրենիքը վտանգի տակ է, միթե դուք չեք անհանգստանում»։