Սաակաշվիլին՝ հայերին․ Փաշինյանի դեմ քվեարկելը «ինքնասպանություն» կլինի

Միխեիլ Սաակաշվիլին կոչով դիմել է հայերին

«Սամվել Կարապետյանը հայկական Իվանիշվիլի է։ Կարծում եմ՝ հայերը գիտեն, թե Իվանիշվիլին ինչ բերեց Վրաստանին՝ կոռուպցիայի, հանցավորության և ազգային հարստության թալանի վրա հիմնված բռնապետություն, զանգվածային քաղաքական ռեպրեսիաներ, սոցիալական ցանցերում խոսքի ազատության սահմանափակումներ, միջազգային մեկուսացում և ստրկացում Մոսկվային։

Սիրելի հայ հարևաններ, մի՞թե դուք ցանկանում եք ունենալ նման երկիր։ Մի կրկնեք Վրաստանի սխալը, որքան էլ քննադատաբար վերաբերվեք գործող իշխանություններին։

Վրաստանը նույնպես մնաց առանց ռուսական գազի, սակայն այն գնեց այլ հարևաններից՝ շատ ավելի ցածր գնով։ Հայաստանը նույնպես կարող է անել նույնը։

Այժմ, երբ ձեզ աջակցում են և՛ Եվրոպան, և՛ Ամերիկան, մի՛ վատնեք այդ հնարավորությունը և մի՛ մեկուսացրեք ձեզ աշխարհից։

Ինչպես ցույց է տալիս Վրաստանի շատ տխուր նախադեպը, օլիգարխի օգտին և Փաշինյանի դեմ քվեարկելը բացարձակ ինքնասպանություն կլինի, և ես վստահում եմ ձեր մեծ ժողովրդի իմաստությանը, որ դուք երբեք նման քայլի չեք գնա։

Կեցցե՛ Հայաստանը»: